عبلة لا تبكي غراب العرب : شعر نجوى عبد العال

مين إللى قال إنى اتقتلت ؟!

والسر لسه ف حكمته ..

مين إللى قال إنى انسحبت ؟!          

واللعب لسه ف أولــــــــــه      

 د آنا عبد عبس بقــوته         

والبسوس وأهل الـــوبر

زرعــوا جوا يا  العبـر

وأعف  عند المغــــنــم

شميت ساعتها العرق إللى نازز

من جوف منديلا ساعــــة الندى

طب مين إللى حرر السود ؟!

ومين إللى خلى البنى أدمين متساوين ؟!

يا هلترى إللى جاين من أم حره

وللأ مــــين ..

وبمد الكف لكف جياب

وبطر طش م الآنيين

وبحربه مسمـــومة

تنزل على وش السنين

لأجل م تكنس م الجيوب دم الغريب

والسوس إللى سارح ف الدروب

كان صوت الأبجر ف النزال ويا جيفارا

أعلى من صوت السيوف

والسيف الأبتر والحربة المسنونه

لساها بتنبش بلسانها الرمال

ينشق الليل .. يطرح بركان

دم الحلاج .. السهراوردى

دم لوركا .. نير ودا

دم الإنسان ..

*******

بدور ف جتة امبارح على جرح

يطرح شتات ...

شوق للمعنى ..

العذاب وللآ الأنين

الظلم / الحلم

العيب ف مين ..!!

سميه ..  وللآ ذبيبه ولونها

وللآ مـين ...

ليـه يا عبلة ما بتبوحيش

بالحب إللى راح

والمعنى إللى ضاع

وللآ لتلوين الوشوش

بشكل جديد معر فنهوش

وللآ ع الشفة المشقوقة فيه

إزاى .. تفـوتيه ؟!!

وتخلى حبر السكة يجف يتوه

حاولت أعدى الوهم الفارد جوا يا

بتعلى المسافات ..

أخطيلك ..

أحس الحب ف قلبك مات !!

بستلهم من عروه وعفره

رميــو وجوليــا

صـــوره .. الإخلاص

ليه تكوني أقل منهم

ليه بقسوة تموتيه

الم بيشق حلق النبض

وبيقتل الهمة /البسمه

من غير زعل الفـــــــــــراق

كان أخر قــــرار للخـــــــــوف

وأول الفــــــوقــــــ ـ ـ ـ ـ ـ ـ ـ ـ ان

*****